महाराष्ट्र नगरी न्यूज नेटवर्क
मो.9921500780
नवी दिल्ली: राष्ट्रवादी काँग्रेस (शरदचंद्र पवार) पक्षाचे खासदार धैर्यशील मोहिते पाटील यांनी नुकतीच नवी दिल्ली येथे केंद्रीय गृह आणि सहकार मंत्री अमित शहा यांची सदिच्छा भेट घेतली. ही भेट केवळ औपचारिक नसून, महाराष्ट्राच्या सहकार क्षेत्राच्या हितासाठी आणि विशेषत दुग्ध व्यवसायाशी संबंधित शेतकरी व सहकारी दूध संघांच्या अडचणी सोडवण्यासाठी उचललेले एक महत्त्वाचे पाऊल आहे.
खासदार धैर्यशील मोहिते पाटील यांनी या भेटीदरम्यान ग्रामीण अर्थव्यवस्थेचा कणा असलेल्या दुग्ध व्यवसायातील बारकावे आणि सध्याच्या अडचणी थेट केंद्रीय सहकार मंत्र्यांसमोर मांडल्या. शेतकरी हितासाठीची त्यांची ही ठाम भूमिका आणि समस्या थेट केंद्र सरकारच्या सर्वोच्च स्तरावर पोहोचवण्याची त्यांची कार्यतत्परता त्यांची जबाबदारी पार पाडण्याची प्रामाणिक भावना दर्शवते.राजकीय वर्तुळात तालुका आणि जिल्हा पातळीवर सातत्याने चालणाऱ्या आरोप-प्रत्यारोपांच्या आणि गलिच्छ राजकारणाला या भेटीच्या फोटोने एक प्रभावी प्रत्युत्तर दिले आहे.
विरोधी पक्षाचे खासदार असूनही, राज्याच्या हितासाठी केंद्रातील वरिष्ठ मंत्र्यांसोबत सकारात्मक संवाद साधण्याची मोहिते पाटील यांची क्षमता त्यांची कार्यक्षमता आणि स्वीकारार्हता सिद्ध करते पक्षभेदापलीकडे जाऊन प्रश्न मांडण्याची आणि विकासासाठी आवश्यक सहकार्य मिळवण्याची ही भूमिका राजकारणातील परिपक्वतेचे उत्तम उदाहरण आहे. कामाऐवजी केवळ टीका आणि अफवांवर भर देणाऱ्या नेत्यांना, विकासासाठी प्रत्यक्ष काम करणारे नेतृत्व कसे असते, हे या भेटीतून स्पष्टपणे दिसून येते ,धैर्यशील मोहिते पाटील यांची ही भेट म्हणजे सकारात्मक राजकारण, सहकाराची बांधिलकी आणि शेतकरी हितासाठीची ठाम भूमिका यांचे प्रभावी दर्शन आहे. त्यांचे हे कार्यतत्पर नेतृत्व आणि व्यापक दृष्टिकोन महाराष्ट्राच्या सहकार क्षेत्राला निश्चितच एक नवी आणि सकारात्मक दिशा देईल, असा विश्वास व्यक्त होत आहे.
