.jpg)
आमीर मोहोळकर
महाराष्ट्र नगरी,अकलूज
9890299499
अकलूज नगर परिषदेच्या बहुचर्चित सार्वत्रिक निवडणुकीत उमेदवारांनी प्रचारासाठी जोरदार मोर्चेबांधणी सुरू केली असून याच अनुषंगाने प्रभाग क्रमांक 03 चे उमेदवार नम्रता जगताप आणि विशाल मोरे यांनी सुरू केलेल्या 'होम टू होम' प्रचार मोहिमेला येथील मतदारांचा उत्स्फूर्त प्रतिसाद मिळत असल्याचे चित्र पहायला मिळत आहे.नम्रता जगताप आणि विशाल मोरे यांनी त्यांच्या प्रभागातील प्रत्येक घरापर्यंत पोहोचून थेट मतदारांशी संवाद साधण्यावर भर दिला आहे.'घरोघरी जाऊन प्रचार' करण्याच्या या धोरणामुळे नागरिकांना उमेदवारांना जवळून भेटण्याची आणि त्यांच्या समस्या थेट मांडण्याची संधी मिळाली आहे...
उमेदवारांनी नागरिकांशी साधलेल्या थेट संवादात,मतदारांनी त्यांच्या समस्या आणि अपेक्षा अत्यंत सकारात्मक पद्धतीने मांडल्या.उमेदवारांचे विचार आणि त्यांचे व्हिजन जाणून घेण्यासाठी मतदारांनी मोठ्या संख्येने त्यांच्याशी संवाद साधला हे विशेष.विश्वासार्हता आणि आश्वासने: दोन्ही उमेदवारांनी प्रभागाच्या विकासासाठी असलेली त्यांची योजना आणि भविष्यातील उद्दिष्ट्ये स्पष्टपणे मांडली.पाणी,रस्ते,स्वच्छता आणि आरोग्य सुविधांसारख्या मूलभूत गरजांवर लक्ष केंद्रित करून त्यांनी मतदारांचा विश्वास संपादन करण्याचा प्रयत्न केला.या आश्वासनांना येथील नागरिकांनी चांगला प्रतिसाद दिला.
होम टू होम प्रचार मध्ये युवा आणि महिलांचा उत्स्फूर्त सहभाग या प्रचार फेरीत विशेषतः युवा मतदार आणि महिला मतदारांनी मोठ्या प्रमाणात सहभाग नोंदवून,उमेदवारांना शुभेच्छा देत आपला पाठिंबा दर्शविला नम्रता जगताप आणि विशाल मोरे यांच्या या प्रभावी आणि थेट संवादामुळे अकलूज नगर परिषदेच्या निवडणुकीतील वातावरण अधिकच तापले असून,मतदारांमध्ये या निवडणुकीबद्दल कमालीचा उत्साह दिसून येत आहे.
