अकलूज येथील प्रतिष्ठित नागरिक आणि ज्येष्ठ पत्रकार राजीव लोहकरे व संजय लोहकरे यांचे वडील शरदराव विश्वंभर लोहकरे यांचे आज, रविवार दिनांक ३० नोव्हेंबर २०२५ रोजी दुपारी १२:३० वाजता वृद्धापकाळाने निधन झाले. मृत्यूसमयी त्यांचे वय ८८ वर्षे होते.
अकलूजच्या सामाजिक आणि कौटुंबिक वर्तुळात शरदराव लोहकरे हे एक परिचित आणि आदरणीय व्यक्तिमत्त्व होते. त्यांच्या निधनाने लोहकरे कुटुंबावर शोककळा पसरली आहे. त्यांच्या पश्चात दोन मुले,दोन मुली, सुना, जावई, नातवंडे आणि परतवंडे असा मोठा आणि भरलेला परिवार आहे. अकलूजमधील पत्रकारितेच्या क्षेत्रात कार्यरत असलेले राजीव लोहकरे आणि संजय लोहकरे यांना पितृशोक झाला आहे.
शरदराव लोहकरे यांच्या पार्थिवावर आज रात्री ८:०० वाजता अकलूज येथील अकलाई मंदिराजवळील वैकुंठ स्मशानभूमीत अंत्यसंस्कार करण्यात येणार आहेत,त्यांच्या निधनाबद्दल अकलूज शहर आणि परिसरातील नागरिक, तसेच पत्रकार बांधवांकडून तीव्र दुःख व्यक्त करण्यात येत असून त्यांना महाराष्ट्र नगरी न्यूज नेटवर्क समूहातर्फे भावपूर्ण श्रद्धांजली अर्पण केली जात आहे.
