अकलूज (प्रतिनिधी): बँकॉक (थायलंड) येथे संपन्न झालेल्या आंतरराष्ट्रीय कुस्ती स्पर्धेत अकलूजच्या मातीतील मल्ल पै. आदित्य भागवत सरवदे याने देदीप्यमान कामगिरी करत प्रथम क्रमांक पटकावला आहे. या जागतिक यशाबद्दल महाराष्ट्र राज्य जनसेवा संघटनेच्या वतीने महाराष्ट्र राज्य जनसेवा संघटनेचे युवक प्रदेशाध्यक्ष अण्णासाहेब शिंदे यांच्या हस्ते त्याचा विशेष सन्मान करण्यात आला.
या सत्कार समारंभ प्रसंगी सवतगावचे माजी सरपंच धनाजी जाधव, बबन काटकर, संजय दुणागे यांसह इतर मान्यवर उपस्थित होते.आदित्यने प्रतिकूल परिस्थितीत जिद्दीच्या जोरावर मिळवलेले हे यश युवा खेळाडूंसाठी प्रेरणादायी असल्याचे मत यावेळी अण्णासाहेब शिंदे यांनी व्यक्त केले.
